ناخد اللحم نقطعها بشكل طولي و نملحها مزيااااان تكون الملحة بزايد و نبيتها في التلاجة ليلة كاملة فهاد الملحة و تكون مغطية
لغد ليه ننشرها في الشمس في السلك ديال الحوايج كيفما موضح في الصورة و نبقا مقابلها كل يوم نطلعها ننشرها و ملي تقرب تغيب الشمس نهبطها حتى تيبس تماما و تنشف من الماء ديالها و ترجع يمكن ناكلوها هكاك تجينا طايبة
تم نقطعها طريفات و نقسمها عاى حسب الاحتياجات و ندخلها للفريكو
ملي نبغي نطيبها نجبد القدر اللي بغيت ليلة قبل و نديرها في الماء تبات ليلة كاملة باش تنقص الملوحة ديالها و يلا كنا غنحتاجوها فساعتها نخوي عليها الماء طايب و نخليها شوية باش تنقص الملحة و ننصبها في الكوكوط او طنجرة عادي نوضع القديد اللي غسلت او رقدت و نضيف عليه
ابزار
سكينجبير
خرقوم
تحميرة
تومة محكوكة
ربيع مقطع او مربط
بصلة محكوكة
مطيشة محكوكة
زيت
قليها شوية فهاد الشرمولة و ضيفي الماء و خليها تطيب بغيتي تحطيها هكا كتجي رائعة بغيتي تضيفي الخضر كذلك كتجي رائعة و احسن الهضر اللي كتجي معاها هي البطاطس
ملاحظة: ما نديرش الملح نهائيا حتى يوجد الظياب و نذوق يلا لقيتو ناقص نزيد شوية
نفس الطريقة يلا بغيت نقدد الدوارة و الكرشة
و بالصحة
نفس الطريقة يلا بغيت نقدد الدوارة و الكرشة
و بالصحة
لا يوجد تعليقات
أضف تعليق