ناخدو المصران الكبير اي مصرانة الراعي و نغسلوه نحاولو ما نتقبوهش و كنقلبو جهة الشحمة تكون لداخل و نغسلوه و نخليوه يقطر و ندوزو للحشوة
الحشوة :
المقادير
الارز مصلوق و مقطر
الكفتة مصهدة في شوية زيت و الملح و العطرية و الربيع
بصلة مشلضة رقيقة و مقلية في الزيت ملح ابزار
2 فصوص توم
ملح
كامون
ابزار
تحميرة
هريسة اختيارية
البيض
الطريقة :
مناين يقطر الارز مزيان نخلط جميع المقادير مع بعضها من غير البيض
ناخد البيض الكافي حسب كمية الخليط و طول المصران و كنخلطو مع شوية ملح و ابزار و نضيف عليه الخليط الاول و نخلط مزيان
ناخد المصران نعقدو من طرف واحد او نخيطو و نعمر فيه الحشوة شوية بشوية حتى نعمرو القدر اللي بغينا و نعقدوه او نخيطوه
و نلوي المصران بشكل دائري بحال المحنشة
و هنا عندي اختيارين اما نبخرو في الكسكاس حتى يطيب من تما نخرجو نذهنو بالزبدة و ندخلو يتحمر في الفرن
و الاختيار التاني نجمعوه في اليمنيوم و ندخلوه للفرن يطيب حتى ينضج نعريه نذهن له الزبدة و نخليه يتحمر
ملي يطيب نقطعوه بحال شكل الكاشير و بالصحة و الراحة
لا يوجد تعليقات
أضف تعليق